Astanada Prezıdent kýbogynyń jeńimpazy anyqtaldy

ASTANA. KAZINFORM — Astana qalasynda tennısten Prezıdent kýbogy úshin chellendjer týrnıri aıaqtaldy.

Fınalda álemniń 187-raketkasy, norvegııalyq Nıkolaı Býdkov Ker reıtıngide 420-oryndaǵy ıtalııalyq Aleksandr Bındýdi 6:4, 6:3 esebimen utty.

Osylaısha, 18 jastaǵy norvegııalyq tennısshi 8 350 dollarǵa qosa 50 reıtıngilik upaıǵa ıe boldy. Bul — onyń sporttyq jolyndaǵy chellendjer jarysyndaǵy úshinshi tıtýly.

Juptyq synda japonııalyqtar Taıseı Ishıkava — Kokoro Isamýra úzdik shyqty. Olar sońǵy básekede fılıppındik Frensıs Alkantara — koreıalyq Sýn Pakty utty — 7:5, 2:6, 10:5.
Eske sala keteıik, budan buryn Monreal týrnırinde Elena Rybakınanyń kambek jasap, shırek fınalǵa shyqqanyn jazǵan bolatynbyz.