Astanada Prezıdent kýbogy úshin jarystar máresine jetti
ASTANA. KAZINFORM — Astana qalasyndaǵy Beeline arena ulttyq tennıs ortalyǵynda Prezıdent kýbogy úshin ITF World Tennis Tour týrnıri aıaqtaldy.
Erler arasynda M25 dodasynda Prezıdent kýbogyna turaqty qatysýshy, ózbekstandyq Hýmoıýn Sultanov jeńimpaz atandy.
H.Sultanov fınalda amerıkalyq Alafııa Aıenıdi 6:2, 6:4 esebimen utty.
Jartylaı fınalǵa deıin jetken 16 jasar qazaqstandyq Ámir Omarhanov osy A.Aıenıge jol bergen edi.
Ótken jylǵy jarysta Hýmoıýn sońǵy básekede qazaqstandyq Denıs Evseevten utylǵan bolatyn.
Áıelder arasynda W35 básekesinde reseılik Tatıana Prozorova úzdik shyqty. Tıtýl úshin matchta ol otandasy Aleksandra Shýbladzeden basym tústi — 7:5, 6:7 (5:7), 6:1.
Juptyq synda reseılikter Ilıa Semakın — Egor Agafonov qarsylas shydatpady. Olar sheshýshi oıynda qazaqstandyq Grıgorıı Lomakın — grýzııalyq Zýra Tkemeladzeni tize búktirdi — 6:2, 6:4.
Áıelder arasynda reseılikter Anastasııa Gasanova — Ekaterına Shalımovanyń asyǵy alshysynan tústi. Bul dýet eki saǵatqa sozylǵan tartysty básekede qazaqstandyq Janel Rústemova — reseılik Vıktorııa Dıachenkonyń meselin qaıyrdy — 7:6 (7:4), 2:6, 10:7.
Eske sala keteıik, budan buryn Olımpıadada Shevchenkonyń 18 jastaǵy tennısshige ese jibergenin jazǵan bolatynbyz.
