Astanada Prezıdent kýbogi úshin tennısten halyqaralyq týrnırler ótedi

ASTANA. QazAqparat – 23 shilde – 6 tamyz aralyǵynda Astanada Prezıdent kýbogi aıasynda Beeline arena Ulttyq tennıs ortalyǵynda ATP Challenger Tour jáne ITF World Tennis Tour týrnırleri ótedi, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, bıyl Prezıdent kýboginde el namysyn erler arasynda Mıhaıl Kýkýshkın, Dmıtrıı Popko, Denıs Evseev, Grıgorıı Lomakın, Maksım Batıýtenkolar qorǵaıdy.

Áıelder arasynda Gózal Aınıtdınova, Jibek Qulambaeva, Arýjan Saǵyndyqova, Sandýǵash Kenjebaeva jáne basqalar óner kórsetedi. Bul, ásirese, jas tennısshiler úshin jaqsy múmkindik.

Dáreje-deńgeıi joǵary jarysta kezinde qazir álemdegi úzdik tennısshilerdiń qataryna kiretin Danııl Medvedev (ATP №3), Andreı Rýblev (ATP №7), Karen Hachanov (ATP №11), Sebastıan Korda (ATP № 28), Roman Safıýllın (ATR №43), Mıomır Ketsmanovıch (ATP № 44), Maks Persell (ATR №71) jáne basqa sportshylar baq synady.

Prezıdent kýbogi 2007 jyly halyqaralyq mártebege ıe boldy. Ár jyldary qazaqstandyqtar Mıhaıl Kýkýshkın men Andreı Golýbev, ýkraınalyq Ilıa Marchenko, aýstrııalyq Sebastıan Offner, Germanııa quramasynyń qazirgi kapıtany Raıner Shýttler, Aýstralııa ashyq chempıonaty men Rolan Garrostyń jeńimpazy, horvatııalyq Ivan Dodıg, juptyq synda «Úlken dýlyǵa» týrnıriniń eki dúrkin chempıony, qytaılyq Chjan Shýaı sekildi tennısshiler úzdik shyqty.

Eske sala keteıik, budan buryn Karlos Alkaras Ýımbldonda Novak Djokovıchti jeńip, chempıon atanǵanyn jazǵan bolatynbyz.

Sondaı-aq Jibek Qulambaeva álemdik reıtıngte joǵary kóterildi.

Qazaqstandyq tennısshiler álemdik reıtıngtegi kórsetkishterin jaqsartty.