Astanada prank jasaǵan blogerler qamaýǵa alyndy

ASTANA. KAZINFORM - Astanada beınerolık túsirip, prank jasaǵan blogerler qamaldy, - dep jazdy Polisia.kz.

Polıtsııa qyzmetkerleri áleýmettik jelilerge monıtorıng júrgizý barysynda blogerdiń eki seriktesimen birge «haıp» úshin kópqabatty turǵyn úıdiń lıftine jalǵan máıitti qoıǵan sáti túsirilgen beınerolıkti anyqtady.

Sol sııaqty ekinshi vıdeoda bir adam lıftige júgirip kiredi, ekinshisi jaralanǵan keıip tanytady, al úshinshisi qolyna balta ustaǵan. Olardyń áreketi lıftige kirgen azamattardy qatty shoshytyp, kúızeliske túsýine sebep bolǵan.

Mundaı «ázilder» – moralǵa jat ári qoǵamdyq tártipti buzatyn áreketter. Olar qaıǵyly jaǵdaılarǵa alyp kelýi múmkin.

Barlyq qatysýshy anyqtalyp, ustaldy jáne jaýapkershilikke tartyldy.

Sot sheshimimen bastamashy 30 táýlikke qamalsa, qalǵan ekeýine 15 táýliktik ákimshilik qamaý taǵaıyndaldy.

Buǵan deıin jazǵanymyzdaı, 338 bloger 256 mln tg salyq tóledi.