Astanada «Prado» mingen boıjetken avtobýsty soqty
ASTANA. QazAqparat - Astanada «Toyota Land Cruiser Prado» mingen boıjetken jolaýshylar avtobýsyn soqty.
Atalmysh jol-kólik apaty, búgin kúndiz, shamamen saǵat 17:00-de Kenesary men Ýálıhanov kósheleriniń qıylysynda boldy.
Apat kýágerleriniń biri Samat Ysqaqovtyń aıtýynsha, №9 baǵdarly avtobýs óz jolaǵymen kele jatqan. Soqtyǵysý oryn alǵannan keıin avtobýs jolaýshylary aldymen abdyrap qalyp, keıin, áıel júrgizýshige ashý-yzalaryn bildire bastaǵan. «Boıjetken bolsa, kólik salonynda otyrdy. Menińshe, jylap ta jiberdi», - deıdi kýáger.
Aldyn ala málimetter boıynsha, «Prado» kóligi basty kóshege burylyp jatyp, ondaǵy avtobýsty ótkizbegen. Saldarynan jol apatyn jasady. Abyroı bolǵanda eshkim zardap shekken joq.
Astana ІІD baspasóz qyzmetiniń habarlaýynsha, jol-kólik apatyna kinálini polıtsııa anyqtaıtyn bolady.
