Astanada Porsche Cayenne otqa orandy
ASTANA. QazAqparat - Elordada Porsche Cayenne kóligi órtenip ketti. Bul aqparatty QR ІІM TJK resmı ókili Rýslan Imanqulov ta tastady.
Oqıǵa keshe túnde oryn alǵan. Keleńsiz jaǵdaıdy kórgenderdiń aıtýynsha, órt aldymen kóliktiń motorynan shyǵyp, keıinnen salonyna taraǵan. Kýágerler qymbat kólikti qaıta qalpyna keltirý múmkin emestigin aıtýda.
«Órt sóndirý qyzmetiniń kezekshiligine órt týraly aqparat Astana ýaqytmen saǵat 23-59-da tústi. Baıtursynov kóshesi boıynda Porsche Cayenne markaly avtomobıl órtengen. Oqıǵa ornyna jetkende órttiń kóliktiń qozǵaltyshynan shyqqandyǵy anyqtaldy», - dedi R.Imanqulov.
Onyń sózine qaraǵanda, órt saldarynan Porsche Cayenne-ge taqaý turǵan Toyota Samry, kóliginiń artqy bamperi zaqymdanǵan.
«Órt saǵat 00:10-da basylyp, 00:12-de tolyq óshirildi. Qaza tapqandar men zardap shekkender joq», - dep naqtylady resmı ókil.
Aıta keterligi, oqıǵa ornynda jeke quramnyń 12 mamany men 2 tehnıkasy jumys istedi.
