Astanada polıtsııa zańsyz stýdııanyń qyzmetin toqtatty

ASTANA. KAZINFORM – Elordada «Stop trafık» jedel-profılaktıkalyq is-sharasy aıasynda zańsyz jumys istegen stýdııa áshkerelendi, dep habarlaıdy Polisia.kz.

Astana qalasy polıtsııa departamenti uıymdasqan qylmysqa qarsy is-qımyl basqarmasynyń qyzmetkerleri sol jaǵalaýdaǵy turǵyn úı keshenderiniń biriniń jertólesinde ornalasqan stýdııanyń qyzmetin toqtatty. Zańsyz nysan ınternet jelisinde jarııalanǵan arsyz jarnama arqyly anyqtaldy.

Oqıǵa boıynsha stýdııa ıesi belgili bolyp, zańda kózdelgen tártippen tekserý júrgizilýde. Polıtsııa bul is boıynsha jaýapkershilik sharalary qabyldanatynyn málimdedi.

Quqyq qorǵaý organdary mundaı oryndardyń qoǵamnyń moraldyq qundylyqtaryna, mádenı murasyna eleýli qater tóndiretinin atap ótti.

«Elorda – rýhanı ári mádenı damýdyń úlgisi bolýy tıis qala. Azǵyndyqqa qurylǵan jalǵan «kóńil kóterý» túrleriniń taralýy jastarǵa keri áser etedi», – delingen habarlamada.

Polıtsııa azamattardy arsyzdyqqa ıtermeleıtin, qoǵamdyq moral qaǵıdalaryna qaıshy kez kelgen áreketter qoldanystaǵy zańnama sheńberinde qatań toqtatylatynyn eskertedi. Sondaı-aq kúmándi qyzmet túrleri nemese zańsyz áreketter baıqalǵan jaǵdaıda dereý ishki ister organdaryna habarlaýǵa shaqyrady.

Aıta keteıik, SQO-da qylmystyq topqa qamqorlyq jasaǵan polıtsııa maıory sottaldy.