Astanada polıtseı balkonnan qulaýdyń aldynda turǵan qyzdy qutqaryp qaldy
ASTANA. KAZINFORM — Astanada polıtsııa departamentiniń Jyldam qımyldaıtyn arnaıy jasaǵynyń (JQAJ) qyzmetkeri bıiktikten qulaýdyń aldynda turǵan qyzdy aman alyp qaldy, dep habarlaıdy Polisia.kz.
Oqıǵa túski ýaqytta bolǵan. Polıtsııa qyzmetkeri Elaman Tishpaev úıine kelgen kezde, ǵımarat mańyna adamdardyń jınalǵanyn baıqaıdy. Kýágerler oǵan kópqabatty úıdiń joǵarǵy qabattarynyń birindegi balkonda qyzdyń otyrǵanyn aıtqan.
Elaman Tishpaev birden podezge kirip, 12-qabatqa kóterilgen. Balkonnyń shetinde otyrǵan qyzdy kórgen polıtseı jaǵdaıdy baǵalap, oǵan abaılap art jaǵynan jaqyndaǵan.
Qolaıly sátti paıdalanyp, ol qyzdy ustap alyp, balkonnyń shetinen qaýipsiz jerge shyǵarǵan.
JQAJ qyzmetkeri jedel qyzmetter kelgenge deıin qyzdyń janynda bolyp, keıin ony medıtsına qyzmetkerlerine tapsyrdy.
Polıtsııa qyzmetkeriniń der kezinde jasaǵan áreketiniń arqasynda qaıǵyly jaǵdaıdyń aldyn alyndy.
Polıtsııa departamenti qyzmetkerlerdiń azamattardyń qaýipsizdigin qamtamasyz etýge tek qyzmet barysynda ǵana emes, kúndelikti ómirde de daıyn ekenin atap ótti.
Buǵan deıin Astanada áıel 15-qabattan sekirip, bala jatqan arbaǵa qulap, ekeýi de qaza bolǵanyn jazǵanbyz.
