Astanada «Polıtsııadaǵy kezekshi prokýror» jobasy júzege asyrylýda
ASTANA. 9 jeltoqsan. QazAqparat - Bıylǵy jyly qala prokýratýrasy «Polıtsııadaǵy kezekshi prokýror - azamattar quqyǵynyń kepili» qanatqaqty jobasyn mindetti júzege asyrýǵa baǵyttalǵan uıymdastyrý is-sharalaryn qabyldaýda, dep habarlaıdy elordanyń resmı saıty.
«Qala prokýratýrasy men Astananyń ІІD basshylarynyń vedomstvolar qyzmetkerlerinen turatyn jumys tobyn qurý jónindegi birikken ókimi ázirlendi. Kezekshi prokýrorlar bólmesinde jetkizilgen azamattardy elektrondy túrde tirkep otyratyn kompıýterler ornatylyp, prokýratýra qyzmetkerleriniń táýlik boıǵy kezekshilikteri uıymdastyrylǵan», - delingen Astana qalasy prokýratýrasynyń baspasóz qyzmeti málimetinde.
Qabyldanǵan is-sharalarǵa baılanysty zańsyz tintý júrgizýge, azamattar men mekemelerdiń múlikterine tyıym salýǵa jol berilmeıdi.
«Prokýrorlyq is-qımyl aktileri boıynsha azamattardyń konstıtýtsııalyq quqyqtaryn buzǵany úshin qylmystyq qýdalaý organdarynyń 29 laýazymdy tulǵasy jaýapkershilikke tartylyp, qalǵandary boıynsha qyzmettik tekserý júrýde. Prokýrorlyq is-qımyl aktisiniń naqty sapasy men tıimdiligin arttyrýǵa is-sharalar qabyldandy. 279 aktini qaraý nátıjesinde 292 adam tártiptik jaýapkershilikke tartyldy», - delingen baspasóz habarlamasynda.
