Astanada polıtsııa jyly aıaldamanyń esigin syndyrǵan buzaqyny izdeýde
ASTANA. QazAqparat - Elorda polıtsııasy jyly aıaldamanyń shyny esigin aıaǵymen teýip syndyrǵan buzaqyny izdep jatyr. Bul jaıynda Elorda ınfo jazdy, dep habarlaıdy QazAqparat tilshisi.
Instagram áleýmettik jelisindegi toptardyń birinde jarııalanǵan vıdeoda elordadaǵy jańa aıaldama pavılonynyń shyny esigin er adamnyń teýip syndyrǵany taspalanǵan. Sonymen qatar atalǵan materıaldan jas jigittiń bir qyzben túngi saǵat 2-de aıaldama otyrǵanyn, esikti syndyrǵannan keıin ketip qalǵanyn kórýge bolady.
Aıaldama pavılondaryn kútip ustaýmen aınalysatyn «vDS Kazakhstan» JShS-nen atalǵan nysannyń osydan bir aıǵa jýyq ýaqyt buryn Baıtursynov kóshesinde ornatylǵandyǵyn aıtty.
«Oqıǵa osy jyldyń 2 qańtarynda bolǵan. Jas jigit esikti teýip, shynysyn syndyrǵan. Shyǵyn somasy belgisiz. Jańa úlgidegi aıaldama osydan bir aı buryn paıdalanýǵa berilgen edi», - dedi «vDS Kazakhstan» JShS-niń mamany Alekseı Nıjeık.
Al qalalyq polıtsııa departamenti buzaqynyń kim ákendigi áli anyqtalmaǵandyǵyn habarlady.
