Astanada polıtsııa polkovnıgi sport kesheninde qaza tapty
ASTANA. QazAqparat - Astanadaǵy «Alataý» sport kesheninde 64 jastaǵy zapastaǵy polıtsııa polkovnıgi Nurlan Karmanov qaıtys boldy, dep habarlaıdy QR ІІM baspasóz qyzmeti.
Málimetter boıynsha, ishki ister organynyń ardageriniń tańerteńgi jattyǵý kezinde kenet júregi syr bergen. Oǵan medıtsınalyq járdem kórsetilgenimen, ómirin saqtap qalý múmkin bolmaǵan.
Aıta keteıik, osyǵan deıin, ıaǵnı 17 qyrkúıek kúni «Alataý» sport kesheninde taǵy bir qaıǵyly oqıǵa oryn alǵan bolatyn. Ol joly 34 jastaǵy ishki ister qyzmetkeri sportpen aınalysyp júrgen jerinde ómirden ozǵan.
