Astanada polıtsııa men baıkerler avtosherý ótkizedi
NUR-SULTAN. QazAqparat - Nur-Sultanda Jergilikti polıtsııa qyzmeti basqarmasy men baıkerler avtosherý ótkizedi, dep habarlaıdy QazAqparat Polisia.kz saıtyna silteme jasap.
Kolonnada apattan keıingi kólikter tıelgen evakýatorlar, apattardyń aldyn alýǵa arnalǵan bılbordtar ilingen avtobýstar, Polıtsııa departamentiniń mototsıkl júrgizýshileri men tanymal baıkerler bolady.
Avtosherý 23 mamyr kúni saǵat 10.00-de Jetigen, 16 mekenjaıynan bastalyp, «Báıterek» monýmenti mańynda aıaqtalady. Sol jerde «Jolda qabyldaý» aktsııasy ótkiziledi. Onyń barysynda elorda turǵyndary men qonaqtary kókeıkesti máseleler boıynsha polıtsııamen tikeleı baılanysa alady.
Іs-sharanyń maqsaty – jol-kólik oqıǵalarynyń aldyn alýǵa qoǵam nazaryn aýdartý.
Sherý uıymdastyrýshylary – Jergilikti polıtsııa qyzmeti basqarmasy jáne «ROAD BROTHERS MCC KAZAKHSTAN» baıkerler klýby.
