Astanada polıtsııa qyzmetkerleri kópqabatty úıdiń turǵyndaryn tilsiz jaýdan qutqaryp aldy
ASTANA. 7 qańtar. QazAqparat - Astanada polıtsııa qyzmetkerleri kópqabatty úıdiń turǵyndaryn tilsiz jaýdan qutqaryp aldy, dep habarlaıdy qalalyq ІІD-niń baspasóz qyzmeti.
Órt keshe túngi 02.45 mınýt shamasynda qaladaǵy Jumabaev kóshesiniń boıyndaǵy úılerdiń birinde, lıftide tutanǵan.
Oqıǵa ornyna sol mańdaǵy jaıaý patrýlde júrgen patrýldik polıtsııa polkiniń qyzmetkerleri kishi serjant Mıras Qabdyshev, tájirıbeden endi ǵana ótip júrgen Ádilet Ysqaqov oqıǵa ornyna birinshi bolyp jetedi. Keıin olarǵa patrýldik polıtsııa polkiniń aǵa serjanty Talǵat Qolshybaev qosylady.
«Órttiń qoıý tútini dálizdi orap, turǵyndardyń ómirine qaýip tóndirdi. Batyldyq áreketke barǵan polıtsııa qyzmetkerleri tez arada turǵyndardy shyrt uıqydan oıatyp, tysqa alyp shyǵady. Órttiń ýshyqqanynan 5 qabatta turatyn qarııa esinen tanyp qalady. Polıtsııa qyzmetkerleri qarııany kóterip, birinshi qabatqa jetkizip, dárigerlerdiń qaraýyna tapsyrady», - dep habarlaıdy vedomstvonyń baspasóz qyzmeti.
