Astanada polıtsııa qyzmetkerine qol kótergen júrgizýshi qamaýǵa alyndy
ASTANA. QazAqparat - Astanada 40 jastaǵy mas júrgizýshi polıtsııa qyzmetkerine qol kótergen, dep habarlady Almaty aýdany prokýratýrasynyń baspasóz qyzmetinen.
Qadaǵalaý organynan habarlaǵandaı, 15 mamyrda mas kúıinde kólik basqaryp kele jatqan júrgizýshini polıtsııa ınspektory toqtatqan.
«Mas júrgizýshi ákimshilik quqyqbuzýshylyq týraly qujatty rásimdep jatqan kezde qatty qarsylyq bildirip, bılik ókiliniń ómiri men densaýlyǵyna qaýip tóndiretin kúsh qoldanǵan», - delingen habarlamada.
Atalmysh fakti boıynsha qylmystyq is qozǵaldy, azamatqa Qylmystyq Kodekstiń 321-babynyń 2-bóliginde (bılik ókiline qatysty kúsh qoldaný) kózdelgen aıyp taǵyldy.
«19 mamyrda №2 Almaty aýdandyq soty tutqyndaý túrinde bultartpaý sharalaryn qabyldaý týraly tergeýshiniń ótinishin qanaǵattandyrdy, aıyptalýshy tergeý oqshaýlaǵyshyna toǵytyldy», - dep habarlady baspasóz qyzmetinen.
Qylmystyq is boıynsha tergeý Astana qalasy Almaty aýdandyq prokýratýrasynyń baqylaýynda.
