Astanada polıtsııa kýáligin paıdalanyp, eldi tonap júrgen jalǵan polıtseı ustaldy
ASTANA. Qarashanyń 9-y. QazAqparat /Aıdar Ospanalıev/ - Elordada uıymdasqan qylmyspen kúres qyzmetkerleri qarashanyń 7-nen 8-ne qaraǵan túni jalǵan polıtsııa qyzmetkerin qolǵa túsirdi.
Bul oqıǵa jóninde búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov baıan etti, dep habarlaıdy QazAqparat.
Departament bastyǵynyń málimetterine qaraǵanda, qolynda uıymdasqan qylmyspen kúres qyzmetkeriniń kýáligi bar 25 jasar azamat qalada jezókshelikpen aınalysyp júrgen qyzdardy qylmystyq is qozǵaımyn dep qorqytyp, olardyń qymbat zattary men aqshalaryn tartyp alyp júrgen.
Departament bastyǵynyń aıtýynsha, jalǵan polıtseıdiń áreketteri jónindegi aqparat quqyq qorǵaý organdaryna turǵyndardan jáne jábirlenýshilerden kelip túsken.
