Astanada polıtseılik kárizdik qudyqqa qulaǵan 4 jasar balany qutqardy
ASTANA. QazAqparat - Astanalyq polıtseı, «Saryarqa» ІІB janyndaǵy aýdandyq polıtsııa bóliminiń tergeýshisi polıtsııanyń aǵa leıtenanty Jannat Nabıýllın kárizdik qudyqqa qulap ketken 4 jasar balany qutqardy.
Astana q. ІІD baspasóz qyzmetinen habarlaǵandaı, 25 sáýirde shamamen saǵat 15.40 Kúmisbekov kóshesimen ketip bara jatqan tergeýshi Jannat Nabıýllın kómek suraǵan aıqaıdy estigen. Sol jerge jaqyndap kelgen ol kárizdik júıege túsip ketken egde jastaǵy er adam men balany kóredi. Bul kúni atasy men nemeresi kóshege serýenge shyqqan. Oınap júrgen bala ashyq kárizdik qudyqqa qulap túsken. Nemeresin qutqarmaq bolǵan atasy da qudyqqa túsip, onyń ishinen shyǵa almaǵan.
Jannat Nabıýllın qudyqqa túsip, balaqaıdy kóterip, oqıǵa ornyna jetken áriptesterine berdi. Keıin ózge polıtseılermen jáne kóshedegi adamdarmen 67 jastaǵy er adamdy alyp shyqty.
Jedel járdem kelgenge deıin polıtsııa qyzmetkerleri alǵashqy kómek kórsetti jáne olardy jaqyn jerdegi polıtsııanyń aýdandyq bólimine apardy.
