Astanada polıtseıler «Nursaıa» turǵyn úı keshenin qorshaýǵa aldy

ASTANA. QazAqparat - Astanadaǵy «Nursaıa» turǵyn úı kesheninde ornalasqan dámhanadan ıesiz  sómkeniń  anyqtalýyna baılanysty polıtseıler mańaıdy qorshaýǵa aldy, dep habarlaıdy QazAqparat tilshisi.

Mınıstrlikter úıine qarama-qarsy ornalasqan dámhanaǵa qaldyrylǵan sómke kúdik týǵyzǵandyqtan oqıǵa ornyna tártip saqshylary shaqyryldy.

«Iesiz zat tabylǵan aýmaq qorshaýǵa alyndy. Qaýipsizdik sharasy eshkimge yńǵaısyzdyq týdyrǵan joq», - deıdi Astana ІІD baspasóz qyzmeti.

Polıtseıler júrgizgen muqııat tekseris barysynda, eshqandaı qaýip týdyratyn zat tabylǵan joq. Sómkeni dámhanaǵa kelýshilerdiń biri umytyp  ketken.