Astanada polıtseıler qytaılyqqa joǵaltqan qundy zatyn qaıtaryp berdi
ASTANA. QazAqparat - Elorda polıtseıleri QHR azamatshasyna Astanadaǵy saýda-oıyn-saýyq ortalyǵynyń aýmaǵynda joǵaltqan qymbat zergerlik buıymyn taýyp, qaıtaryp berdi, dep habarlaıdy qalalyq ІІD baspasóz qyzmeti.
Elordanyń ishki ister departamentine shetel azamattarynan polıtseılerdiń jedel áreketi úshin alǵys sózder kelip túsýde.
25 maýsym kúni saǵat 13.00-de aýmaqtyq ІІB polıtseı-jedel ýákili saýda-oıyn saýyq ortalyǵynyń aýmaǵynan iri kólemdegi aqsha somasynyń chegi bar zergerlik buıym men sertıfıkat taýyp alǵan.
Krımınaldyq polıtsııa qyzmetkerleri qymbat buıymnyń ıesin jedel anyqtaǵan. Ol «MEGA Silk Way» OSO-dan qymbat metall men tastan jasalǵan bilezikti satyp alyp, baıqamaı joǵaltyp alǵan QHR azamatshasy bolyp shyqty.
Qajetti protsessýaldyq áreketterdi júrgizgennen keıin baǵaly áshekeıdi, ıaǵnı altyn men asyl tastan jasalǵan bilezikti ıesine qaıtaryp bergen. Ol polıtseılerge alǵysyn bildirdi.
