Astanada polıtseıler kólik aıdap áketýdiń eki faktisin ashty
ASTANA. QazAqparat - Ótken demalysta kólikti aıdap áketýdiń eki faktisi ashyldy, dep habarlady Astana qalalyq ІІD ákimshilik polıtsııa basqarmasynda.
10 qazanda shamamen saǵat 20.00-de belgisiz bireýler Jırentaev kóshesindegi úı aýlasynda turǵan «Folksvagen golf» kóligin aıdap áketti. Tártip saqshylary temir tulpardy sol kúni tapty. Kúdikti 40 jasta, buryn sottalǵan. Kólik ıesine qaıtaryldy.
Osy kúni shamamen saǵat 23.00-de polıtsııaǵa taǵy bir azamatsha kelip aryzdandy. Ol shamamen saǵat 22.50-de «Leksýs RX-300» markili avtomobılin Promyshlennyı kentindegi úı aýlasyna qoıǵan. Birneshe mınýttan keıin terezege qarap, ınomarkasynyń joǵalǵanyn baıqaǵan. Ol birden «102» nomerine habarlasqan.
Jedel-izdestirý sharalary kezinde temir tulpar tabyldy. Urlanǵan kóliktiń rólinde esh jerde jumys istemeıtin Aqmola oblysynyń 31 jastaǵy turǵyny otyrǵan. Kólik ıesine qaıtaryldy. QR QK 200 baby 1 bólimi boıynsha sot aldyndaǵy tergeý júrgizilip jatyr. Polıtseıler kúdiktilerdiń osyǵan uqsas qylmystarǵa qatystylyǵyn tekserýde.
