Astanada polıtseıler esirtki dılerin 1,5 keli marıhýanamen ustady
ASTANA. 26 shilde. QazAqparat - Astanada esirtki dılerinen 1,5 keli keptirilgen marıhýana tárkilendi.
Bul týraly qalalyq Іshki ister departamentiniń baspasóz qyzmetine silteme jasap astana.kz saıty jazady.
«23 shilde kúni jedel izdestirý jáne arnaıy is-sharalary barysynda Astana qalasynyń ІІD esirtki bıznesimen kúres basqarmasynyń qyzmetkerleri elorda aýmaǵynda esirtki satýmen aınalysqan tulǵany ustaý boıynsha arnaıy operatsııa ótkizdi», - dep habarlady vedomstvonyń baspasóz qyzmetinen.
Polıtseılerdiń aıtýynsha, 45 jasar kúdiktini ustaý barysynda jalpy salmaǵy 1 keli 600 gramm «keptirilgen marıhýana» esirtki zatymen 40 polıetılen qapshyq tabylyp, tárkilendi.
Esirtki dıleri Astana qalasy ІІD ýaqytsha ustaý abaqtysyna qamaldy, atalǵan fakti boıynsha qylmystyq is qozǵaldy. Tergeý júrgizilýde.
«Qazirgi ýaqytta ІІD esirtkimen kúres basqarmasynyń qyzmetkerleri esirtki jetkizý arnalaryn jáne satý shemalaryn jáne ustalǵan azamattyń elorda aýmaǵynda jasalǵan esirtki qylmystaryna qatysyn anyqtaý úshin arnaıy jedel-izdestirý is-sharalar keshenin ótkizip jatyr», - delingen baspasóz baıanynda.
