Astanada polıtseı sýǵa batqan 12 jastaǵy balany qutqardy
ASTANA. QazAqparat - Oqıǵa 187-shi aýdandaǵy Sarybulaq ózeninde shamamen saǵat 12:30 oryn aldy. Polıtsııa qyzmetkeri Ómirjan Temirbekov jumysqa bara jatqanda balalardyń kómekke shaqyrǵanyn estigen.
Olar ózen jaqty kórsetti. Polıtseı dereý ózenge túsip, odan balany alyp shyqty, dep habarlady Astana ІІD baspasóz qyzmeti.
Polıtsııa kapıtanynyń sózine qaraǵanda, sýǵa tunshyqqan bala dem almaǵan. Ómirjan Temirbekov dereý balanyń júregin ysqylap, jasandy dem berip, alǵashqy medıtsınalyq kómek kórsetti. Keıin jedel járdem shaqyrtty.
Oqıǵa ornyna jetken dárigerler tártip saqshysynyń sapaly túrde alǵashqy medıtsınalyq kómek kórsetkenin aıtty.
Balanyń anasy Janar Aıtýreeva ulynyń qutqarýshysyna alǵys aıtyp, qyzmetinde sáttilik tiledi.
Polıtsııa kapıtany Ómirjan Temirbekov «dárigerler ruqsat bergennen keıin, Batýhannyń jaǵdaıyn bilýge baramyn», deıdi. Polıtseı qutqarǵan balanyń esimi osyndaı.
