Astanada polıtseı ómirine qaýip tóngenine qaramastan izdeýde júrgen qylmyskerdi ustady
ASTANA. QazAqparat - Jol-patrýldik polıtsııa polkiniń qyzmetkeri kólik rólinde mas kúıde otyrǵan ereje buzýshyny ustady, dep habarlady Astana ІІD baspasóz qyzmetinen.
Polıtsııanyń aǵa serjanty Baǵlan Qarymbaev shamamen 17.00-de «Lada Kalina» markaly avtomobıldi toqtatty. Onyń júrgizýshisi qarsy jolaqqa shyǵyp ketip, jolda júrý erejesin buzdy.
Qujattardy tekserý kezinde júrgizýshi kólikpen izin sýytpaq bolǵan. Polıtsııanyń aǵa serjanty B. Qarymbaev ornynan qozǵalǵan kóliktiń róline jarmasyp, júrgizýshini toqtatpaq bolǵan. Júrgizýshi jyldamdyqty báseńdetpeı, polıtseımen kelesi kóshe qıylysyna deıin jetti. Ómirine tóngen qaýipke, alynǵan dene jaraqattaryna qaramastan, tártip saqshysy zań buzýshyny toqtatty.
Medıtsınalyq kýálandyrý nátıjesinde júrgizýshiniń mas bolǵany anyqtaldy. Ustalǵan 38 jastaǵy Qostanaı oblysynyń turǵyny buryn sottalǵan jáne Qyzylorda oblysynda jasaǵan qylmysy úshin izdeýde júrgeni anyqtaldy.
Ustalýshy sot sanktsııasymen qamaýǵa alyndy. QR QK 380-baby boıynsha tergeý amaldary júrgizilip jatyr.
Polıtsııanyń aǵa serjanty Baǵlan Qarymbaev medıtsınalyq mekemege jetkizildi.
