Astanada plastıkten jasalǵan alyp mysyq paıda boldy
ASTANA. KAZINFORM – Elordadaǵy Ortalyq saıabaqta qaıta óńdelgen plastıkten jasalǵan alyp mysyq músini paıda boldy.
Art-nysan «Taza Qazaqstan» ekologııalyq aktsııasy aıasynda, Qala kúnine arnalǵan «Merekelik saıabaq» otbasylyq festıvali kezinde jasaldy, dep habarlaıdy Astana qalasy ákimdiginiń resmı saıty.
Eko-Mysyqty sýretshiler, volonterler jáne festıval qonaqtary birigip qurastyrdy. Ár adam ózimen birge plastık ákelip, ony art-nysannyń quıryǵyna japsyra aldy. Installıatsııanyń maqsaty — qalalyq saıabaqty bezendirý ǵana emes, sonymen qatar qaldyqtardy qaıta óńdeýdiń jáne tabıǵı resýrstarǵa uqypty qaraýdyń mańyzdylyǵyn eske salý.
— Bul jaı ǵana kórme emes, bul — árkim ózgeristiń bir bóligi bola alatyn turaqty qalanyń tutas úlgisi. Kórme men ekobastama óner men ekologııanyń qatar jumys isteı alatynyn kórsetti. Qala turǵyndary men qonaqtary keńistikti sulýlyq, maǵyna jáne ıgi energııa arqyly túrlendirýge qatysýǵa nıetti jáne daıyn ekenin baıqadyq. Qonaqtar bizdiń sheberlik sabaqtarymyzǵa belsendi qatysty, qaldyqtardy suryptaýǵa qyzyǵýshylyq tanytty. Jalpy alǵanda, qazaqstandyqtar ekologııa máselesinde burynǵydan da sanaly bola bastaǵanyn aıtýǵa bolady, — dedi ekotrener Marııam Qasymova.
«Merekelik saıabaq» festıvaliniń uıymdastyrýshylary mazmundy baǵdarlama daıyndaǵan. Túrli taqyryptyq aımaqtar jumys istep, olardyń árqaısysy búkil otbasyǵa arnalǵan qyzyqty sharalarǵa toly boldy.
Qonaqtar qazaq tilindegi mýltfılmder men fılmderdi ashyq aspan astyndaǵy kınoteatrda tamashalady, balalarǵa arnalǵan art-aımaqta shyǵarmashylyq sheberlik sabaqtaryna qatysty, qyshtan buıym jasaý ónerin baıqap kórdi, sondaı-aq sýretshiler, dızaınerler jáne qolónershiler kórmelerinen lázzat aldy.
Kishkentaı kórermender teatrlandyrylǵan qoıylymdardy qyzyǵa tamashalasa, belsendi qonaqtar sporttyq jáne oıyn-saýyq baǵdarlamalarǵa qatysty.
— Maǵan Mysyqqa qaqpaq japsyrý qatty unady! Ol túrli tústi, jarqyn ári kúlkili bolyp shyqty. Men qaıta óńdelgen materıaldan osyndaı ádemi Mysyq jasaýǵa bolatynyn kútpegen edim. Búgin biz otbasymyzben jaqsy demaldyq, túrli sharalarǵa qatystyq, festıvalden tamasha áser aldyq, — dep bólisti 9 jastaǵy astanalyq turǵyn Álibek Qazbaev.
Festıvaldiń jarqyn fınalyna jas oryndaýshylardyń kontsertteri men faer-shoý (otty shoý) kórermenderge erekshe áser syılady.
Aıta ketelik búgin astanalyqtardy qandaı merekelik sharalar kútip turǵany jaıly jazǵan edik.