Astanada pırotehnıkalyq ónimderdi zańsyz satýdyń jolyn kesý sharalary júrgizilýde
ASTANA. QazAqparat - Elordalyq polıtseıler Jańa jyl qarsańynda pırotehnıkalyq ónimderdi zańsyz satýdyń jáne ruqsatsyz otshashýlar men salıýt atýdyń jolyn kesý boıynsha jumystardy jandandyrdy. 10 jeltoqsannan bastap Astana qalasynyń ІІD ÁPB «Pırotehnıka-2014» jedel aldyn alý is-sharasyn ótkize bastady, dep habarlady astana.gov.kz.
Polıtseıler pırotehnıka ónimderin zańsyz satýdyń aldyn alý úshin kún saıyn bazarlar men stıhııalyq saýda oryndaryn tekseredi, sertıfıkattalmaǵan ónimdi kóterme jetkizýshilerdi anyqtaý sharalaryn qolǵa alady. «Shep» beketterinde jol-patrýldik polıtsııanyń kólik quraldarynyń pırotehnıkalyq ónimderdi tasymaldaý zańdylyǵyn tekserý boıynsha jumystar jandandyryldy.
Aıta keteıik, pırotehnıkany zańsyz satý faktisi anyqtalǵan jaǵdaıda, «Qazaqstan Respýblıkasynyń Ákimshilik quqyq buzýshylyq týraly kodeksiniń» 332-baby (Eldi mekenderde atys qarýynan atý, pırotehnıkalyq qondyrǵylardy jarý) boıynsha ákimshilik jaýapkershilikke tartylady, aıyppul mólsheri - 3 AEK deıin.
Pırotehnıkalyq ónimder tıisti lıtsenzııasy bar arnaıy dúkenderde ǵana satylýy tıis.
Osyndaı buzýshylyqtarǵa jol bergen kámeletke tolmaǵan balalarǵa eskertý jasalady nemese olardyń ata-anasyna nemese olardy almastyratyn tulǵalarǵa pırotehnıkalyq qurylǵylardy tárkileýmen 2 aılyq eseptik kórsetkish mólsherinde aıyppul salynady.
