Astanada Pıramıdanyń 10 jyldyǵy atalyp ótiledi
Ǵımarat Qazaqstandaǵy dostyqtyń, birlik pen beıbitshiliktiń belgisi. Erekshe konstrýktsııasy úshin «Pıramıda» dep atalyp ketken ǵımarat osy jyldar ishinde elordamyzdyń kórikti oryndarynyń birine aınaldy.
Beıbitshilik jáne kelisim saraıyn qurý ıdeıasy Qazaqstan Respýblıkasynyń Prezıdenti Nursultan Nazarbaevqa tıesili. Memleket basshysy ony 2003 jyly Álemdik jáne dástúrli dinderdiń tuńǵysh sezinde tanystyrǵan bolatyn. Sóıtip, dinder basshylarynyń ekinshi sezi Pıramıdada ótkizildi. Saraıdyń ashylý saltanatynda álemdik opera ánshisi Monserrat Kabale sahnada óner kórsetti. Pıramıdada konfessııaaralyq forým ótkizildi, olardyń jumysyna Dúnıejúzilik Islam Lıgasynyń Bas hatshysy Sheıh At-Týrkı, Orys Pravoslav shirkeýiniń Patrıarhy Aleksıı ІІ, Rım Papasy Ioann Pavel ІІ, Izraıldiń Bas ashkenazıı ravvıni Iona Metsger jáne basqa da kóptegen dinı kóshbasshylar qatysty.
Sonymen qatar, jyl saıyn aýqymdy sharalar, sonyń ishinde operalar men sırek kezdesetin óner týyndylarynyń kórmeleri uıymdastyrylady. Beıbitshilik jáne kelisim saraıy Astananyń mádenı ómirine aıtarlyqtaı úles qosýda.
Beıbitshilik jáne kelisim saraıy ǵımaratynda qorynda tanymal túrkologtardyń ondaǵan myń kitaby men qoljazbalary saqtalǵan Túrki kitaphanasy, Qazaqstan halqy Assambleıasynyń etnomádenı ortalyqtary, «Qulanshy» qazirgi zaman óner ortalyǵy, halyqaralyq mádenıet jáne din ortalyǵy, sondaı-aq ejelgi ǵasyrdan bastap qazirgi zamanǵa deıin túrki áleminiń tarıhy týraly ǵylymı zertteýlerdi úılestirýmen, túrki tili men ádebıetin zertteýmen aınalysatyn halyqaralyq túrki akademııasy ornalasqan.
Atalǵan biregeı týyndynyń avtory - belgili brıtandyq sáýletshi Norman Robert Foster. Sýretshi Braıan Klarktyń naǵyz óner týyndysy - Qazaqstan jerinde turatyn ulttar men ulystardy bildiretin 130 kógershin beınelengen vıtraj Pıramıdanyń usharbasynyń kórkin keltirip tur. Ǵımarattyń jyljymaly qańqasy klımatty eskere otyryp jasalǵan, al lıftter 60 gradýs kólbeý dıagonalmen qozǵalady, mundaı lıftter Eıfel munarasynda jáne Las-Vegasta «Lıýksor» qonaq úıinde ǵana bar.
Mereıtoıǵa arnalǵan gala-kontserti«Pyramid Dance Group» shyǵarmashylyq bı tobynyń jarqyn mıýzıklimen ashylady. Sonymen qatar, pıramıdanyń qurylysy týraly sahnalyq qoıylym men onyń qyzmeti týraly fragmentter kórermender nazaryna usynylady. Eksklıýzıvti barabandar shoýy dýmannyń kórkin keltirmek. Pıramıda kópultty Qazaqstandaǵy kelisimniń nyshany bolǵandyqtan Belorýssııa, Armenııa, Ózbekstan, Ýkraına etnomádenı birlestikteriniń kórkemónerpazdary sharaǵa qatysýǵa nıet bildirip, óz ónerlerin ortaǵa salady. Merekelik sharanyń hedlaıneri reseılik «Pıtstsa» toby.
