Astanada PIK tóraǵasy jemqorlyq kúdigine ilikti

ASTANA. QazAqparat - Elordada PIK tóraǵasy Qaıyrly Omar jemqorlyq áreketke bardy degen kúdikpen ustaldy, dep habarlaıdy QazAqparat tilshisi Astana qalalyq ІІD baspasóz qyzmetine silteme jasap.

Departament málimetinshe, Q.Omar Kóktal shaǵyn aýdanynda ornalasqan turǵyn úı kesheni turǵyndarynyń aqsha qarajattaryn urlaý kúdigine iligip otyr.

«Q.Omardyń is-áreketinen turǵyndarǵa iri kólemde materıaldyq shyǵyn kelgen. Tergeý amaldaryna úı turǵyndarynyń kóptegen shaǵymdary túrtki boldy. Sáıkesinshe, saraptama júrgizildi. Sotqa deıingi tergeý amaldary júrgizilip jatyr», - delingen Astana qalalyq ІІD baspasóz qyzmetiniń Feısbýkte jarııalanǵan aqparatynda.