Astanada PIK-terdi jappaı tekserýdiń alǵashqy qorytyndylary shyqty
ASTANA. QazAqparat - Elorda ákimi Áset Isekeshevtiń tapsyrmasyna sáıkes qalada 500-ge jýyq páter ıeleri kooperatıviniń (PIK) jumysy tekserilip jatyr, dep habarlaıdy QazAqparat.
Astana ákimdiginiń resmı saıtynda málim etilgendeı, qazirgi kúnde Qalalyq orta sapasy jáne baqylaý basqarmasy eń kóp shaǵym túsken 41 PIK-tiń jumysyn teksergen. Qyzmetterin nashar kórsetetińderge eskertý jasalyp, olardy joıý boıynsha nusqamalar berildi.
10 kompanııaǵa aǵymdaǵy aı basynda tekseris qaıta júrgizilgen. Olardyń 7-eýi kemshilikterdi joıǵan. Olar «ÝK Kommýnalnık 2» JShS, (Seıfýllın kóshesi 10,14/3), «Kóktem» TK (Abaı 21 dańǵyly), «Ýıýt-2» PIK (Máskeý kóshesi, 20), «Tselınnyı jeleznodorojnık» PIK ( Jeltoqsan kóshesi, 49), «Batyr KSV» JShS (Bógenbaı batyr dańǵyly, 30), ««Samal» shaǵyn aýdany» JShS (Samal 3 shaǵyn aýdany).
Al eskertpelerdi joımaǵan «Adal» PIK (Respýblıka dańǵyly, 29), «Turmys» JShS-niń (187-kóshe, 18-úı) isteri mamandandyrylǵan aýdanaralyq ákimshilik sotynda qaralyp jatyr. Osyndaı eskertpeni oryndamaǵany úshin «OZP «Saıran» TK» (Kýbrın kóshesi, 20/1) aıyppul salyndy.
PIK-terdiń eń keń taraǵan zań buzýshylyq túrleri: tarıfterdi óz betterimen belgileý, páter ıeleriniń aldynda toqsandyq esep jasamaý; nysannyń kondomınıýmdik tirkeýiden ótpeýi, eksplýatatsııalyq shyǵyndar úshin shyǵystar smetasynyń bolmaýy, ekinshi deńgeıli banktegi aǵymdaǵy shot pen jınaqtyń bolmaýy. Sonymen katar turǵyndarmen ótken jalpy jınalystar hattamalarynyń sáıkes kelmeýi, shatyr jabyndysy, úıdiń syrtqy kelbeti, ishki ınjenerlik júıelerge (sý, jylý, elektrojapdyqtaýmen qamtamasyz etý) qatysty syn-eskertpeler bar.
Eske sala keteıik, qyzmet kórsetýshi kompanııalardyń qyzmet sapasyn baqylaý úshin qalamyzda «e-KSK» júıesi engizilgen. Bul júıe páter ıeleri aldynda qyzmet kórsetýshi kompanııa men PIK-diń qyzmet kórsetý sapasyn, qarjy eseptik shyǵynyń ashyq qylady.
