Astanada Perızat Qaırattyń soty bastaldy
ASTANA. KAZINFORM — Elordada eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty sot otyrysy ótti.
— Búgin aldyn ala sot otyrysy ótti, ótinishhattar qaralyp jatyr. Sot otyrysty ashyq nemese jabyq formatta ótkizý máselesi boıynsha keńesý bólmesine ketti, — degen habar aldyq Astana qalalyq sotynyń baspasóz qyzmetinen.
Sondaı-aq sottyń baspasóz qyzmeti otyrys aıaqtalǵannan keıin qosymsha aqparat beriletinin málimdedi.
Aıta ketsek, bıyl 30 maýsymda Perızat Qaırattyń isi sotqa jiberildi.
Eske salaıyq, eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty tergeý júrgizilip jatqany 2024 jyly14 qarashada belgili boldy.
Sondaı-aq Joǵarǵy sot Perızat Qaırattyń sotyn tikeleı efırden kórsetý máselesin qarastyrýǵa daıyn ekenin habarlady.