Astanada pedofıl qolǵa tústi
ASTANA. QazAqparat - Elordalyq polıtsııa qyzmetkerleri kishkentaı qyz balaǵa qatysty zorlaý sıpatynda qylmys jasaǵan Jambyl oblysynyń turǵynyn quryqtady.
Astana qalasy aýmaqtyq Іshki ister basqarmasynyń málimeti boıynsha, aǵymdaǵy jyldyń 8 qyrkúıegi ІІD Jedel basqarý ortalyǵynyń 102 qyzmetine aýlada oınap júrgen kishkentaı qyzdyń joǵalyp ketkendigi jóninde habarlama kelip túsken, dep habarlaıdy vedomstvo baspasóz qyzmeti. Oqıǵa ornyna jedel jetken polıtsııa qyzmetkerleri idestirý barysynda butalardyń arasynan 2010 jylǵy qyz balaǵa zorlyq áreketin kórsetpek bolǵan er adamdy qolǵa túsirdi.
Anyq bolǵandaı, 32 jastaǵy kúdikti osyǵan deıin QR QK «Qaraqshylyq» baby boıynsha sottalǵan.
Atalmysh fakt sotqa deıingi tergeýlerdi biryńǵaı tirkeýine alynyp, qylmystyq is qozǵaldy.
Qazirgi ýaqytta ustalǵan kúdikti Astana qalasy ІІD Ýaqytsha qamaý ızolıatorynda. Tergeý júrgizilýde.
