Astanada pedagogtar «Ózin-ózi taný» baǵdarlamasynyń basym baǵyttaryn talqylady
ASTANA.QazAqparat - Búgin Astanada ustazdardyń tamyz keńesi aıasynda bir top pedagogtar «Ózin-ózi taný» adamgershilik rýhanı bilim berý baǵdarlamasynyń» basym baǵyttaryn talqylady.
«Bilim qyzmetkerleriniń tamyz keńesi aıasynda búgin mektepterde oqytylatyn «Ózin-ózi taný» adamgershilik rýhanı bilim berý baǵdarlamasynyń» basym baǵyttaryn talqylaýǵa arnalǵan paneldik sessııa ótip jatyr. Bul sessııaǵa «Ózin-ózi taný» sabaǵynyń pedagogtary, «Bóbek» ǵylymı ortalyǵynyń qyzmetkerleri men Bala quqyqtaryn qorǵaý komıtetiniń mamandary qatysýda. ıAǵnı, búgin biz balalarǵa bilimmen qatar, rýhanı tárbıe berýdiń mańyzdylyǵyn talqylaımyz»,-deıdi QR BǴM Bala quqyqtaryn qorǵaý komıteti tóraǵasynyń orynbasary Aıash Mákenova.
Onyń aıtýynsha, «Bóbek» qorynyń prezıdenti Sara Nazarbaeva negizin qalaǵan «Ózin-ózi taný» adamgershilik rýhanı bilim berý» - jas balalarǵa bilimmen qatar, boılaryna rýhanı tárbıe berýdiń mańyzdylyǵyn jan-jaqty qarastyrǵan baǵdarlama.
«Alǵashynda ilki joba retinde iske qosylǵan baǵdarlama 2010 jyldan beri balabaqshadan bastap, jalpy orta bilim beretin mektepterde túgeldeı oqytylyp keledi»,-dep atap ótti A.Mákenova.
