Astanada paıdalanylmaǵan 500-den astam jer telimi qaıtarylyp alynbaq

ASTANA. QazAqparat - Byltyr elordada jer ýchaskeleriniń jalǵa alý quqyǵyn satý boıynsha 13 aýktsıon uıymdastyrylǵan. Bul týraly qalalyq jer qatynastary jáne jerdiń paıdalanylýy men qorǵalýyn baqylaý basqarmasynyń 2016 jylǵy jumys qorytyndysynda keltirilgen, dep habarlaıdy ákimdiktiń saıty.

2012 jyldan bastap búgingige deıin qala aýmaǵynda jalpy aýmaǵy 16 myń ga bolatyn 1 084 paıdalanylmaıtyn jer anyqtalǵan. Olardyń ishinen qabyldanǵan sharalardyń nátıjeleri boıynsha aýdany 6 myń ga jerdegi 269 ýchaske memleketke qaıtarylǵan.
Sondaı-aq aýdany 2,6 myń ga jerdegi 277 ýchaske boıynsha menshik ıeleri men jer paıdalanýshylar ýchaskelerin ıgerýge kiristi. Al, qalǵan 7,4 myń ga bolatyn 538 ýchaske boıynsha QR Bas prokýratýrasymen birge Qoldanylmaǵan jerlerdi alyp qoıýdy júzege asyrý jónindegi jol kartasy ázirlengen. 
«Ótken jyly 114 jer ýchaskesiniń jalǵa alý quqyǵyn satý boıynsha 13 aýktsıon uıymdastyryldy jáne ótkizildi, onyń ishinde, 74 ýchaske boıynsha kelisim-shart jáne aqysyn tolyq tóleý jasaldy», - delingen habarlamada.
Ótkizilgen aýktsıondardan 2016 jyly jalpy naqty túsim 615,1 mln teńge, odan ári, satylǵan jer ýchaskeleri boıynsha bıýdjetke boljamdy túsimder - 12,8 mln teńge.