Astanada Pavlov kóshesinde kólik qozǵalysy eki kúnge tolyqtaı shekteldi
ASTANA. QazAqparat - Astanada temirjol tósemindegi jóndeý jumystaryna baılanysty 6-8 shilde aralyǵynda Pavlov kóshesindegi kólik qozǵalysyna shekteý qoıylady, dep habarlaıdy elordalyq ІІD baspasóz qyzmeti.
«Temirjol tósemindegi jóndeý-qalpyna keltirý jumystaryn júrgizýge baılanysty 6 shilde kúni 08.00-den bastap 8 shilde 18.00-ge deıin kólik quraldarynyń qozǵalysyna tolyqtaı shekteý qoıylady», - delingen habarlamada.
Elorda turǵyndary men qonaqtaryna qala joldarynda keptelis jaǵdaılaryna tap bolmas úshin júrý marshrýttaryn aldyn ala josparlap alýǵa keńes beriledi.
