Astanada Pavlodar men Jambyl oblystarynyń kúnderi ótedi
ASTANA. QazAqparat - Astanada qyrkúıektiń 23-25 kúnderi QR Táýelsizdiginiń 25 jyldyǵyna arnalǵan Jambyl oblysynyń mádenıet kúnderi ótedi, dep habarlaıdy astana.gov.kz.
«Tarıhy tereń Tarazdan taǵzym» sharasy aıasynda úsh kún boıy astanalyqtar aımaqtyń tarıhymen, mádenıetimen jáne negizgi jetistikterimen tanysady.
Bul kúnderi aýyl sharýashylyǵy taýarlaryn óndirýshilerdiń jármeńkesi, tarıhı ólketaný mýzeıi eksponattarynyń kórmesi, fılarmonııa ártisteriniń qatysýymen merekelik kontsertter ótkizilip, spektaklder men qoıylymdar qoıylady.
23 qyrkúıekte saǵat 11-00-de qala turǵyndary men qonaqtary M. Gorkıı atyndaǵy memlekettik akademııalyq orys drama teatrynda S. Marshaktyń «Koshkın dom» atty balalarǵa arnalǵan ertegisin, al, saǵat 19-00-de Sh.Aıtmatovtyń povesiniń jelisi boıynsha daıyndalǵan «Pegıı pec, begýşıı kraem morıa» qoıylymyn tamashalaıdy. 24 qyrkúıekte saǵat 18-00-de F. Býlıakovtyń «Vyhodılı babkı zamýj» atty komedııasy sahnalanady.
Buǵan qosa saǵat 16-00-de Beıbitshilik jáne kelisim saraıynda oblys ónerpazdarynyń «Uly dala - ulysym» atty kontserttik baǵdarlamasy kópshilik nazaryna usynylady.
24 qyrkúıekte saǵat 18-00-de «Jastar» teatrynda oblystyq qazaq drama teatry M. Áýezovtyń povesiniń jelisi boıynsha N. Orazalınniń «Qıly zaman» tarıhı dramasyn, al 25 qyrkúıekte saǵat 16-00-de «Eńlik-Kebek» tragedııasyn qoıady.
24 qyrkúıekte saǵat 10-00-den 18-00 aralyǵynda QR Ulttyq mýzeıinde Áýlıe ata jeriniń artefaktilerin, qolónershiler men kórkemsýret týyndylaryn tamashalaýǵa bolady.
24-25 qyrkúıekte jármeńkege oblystan jalpy quny 300 mln teńgeniniń 315 tonna ónimi ákelinedi. Elorda turǵyndary men qonaqtaryna sapaly, ekologııalyq taza jáne paıdaly ónimniń 30 túri usynylady. Azyq-túlik ónimderi bazardaǵy baǵadan 8-15 paıyz tómen baǵamen satylady. Jármeńke qalalyq ákimdik aldyndaǵy alańda ótedi. «Qazaqstanda jasalǵan» aktsııasy aıasynda aýyl sharýashylyǵy ónimderiniń kórmesi uıymdastyrylady.
Munymen qosa, 24-25 qyrkúıekte Astana qalasynyń turǵyndary men qonaqtary pavlodarlyq aýyl sharýashylyǵy taýar óndirýshileriniń ónimderin satyp alý múmkindigine ıe bolady. «Han shatyr» saýda, oıyn-saýyq ortalyǵynyń janynda ótetin jármeńkede 100-den asa kásipker óz taýaryn usynady. Jármeńkede 90 tonna et jáne et ónimderi, 300 tonna kartop, 140 tonna kókónis jáne 150 tonnadan astam aýyl sharýashylyǵy ónimderi satylady.
Pavlodarlyq kásiporyndar elorda turǵyndaryna azyq-túlik ónimderiniń mol túrin, ulttyq taǵamdar usynady. Sondaı-aq, pavlodarlyq kolóner sheberleriniń kórmesi uıymdastyrylady.
Jınalǵan qaýym oblystyq fılarmonııanyń shyǵarmashylyq ujymdarynyń kontserttik baǵdarlamasyn tamashalaıdy.
