Astanada páterlerin jezókshelikpen aınalysýǵa tapsyrǵan páter ıeleri sot aldynda jaýapqa tartyldy
ASTANA. QazAqparat - Astanada páterlerin jezókshelikpen aınalysýǵa tapsyrǵan páter ıeleri sot aldynda jaýapqa tartyldy. Bul týraly Astana qalasy ІІD baspasóz qyzmeti habarlady.
Búgin, 23 qyrkúıekte Astana qalasy mamandyrylǵan aýdanaralyq ákimshilik sotynda atalmysh azamattar elordalyq Іshki ister departamentiniń Ákimshilik polıtsııa basqarmasynyń qyzmetkerleri ótkizip jatqan «Ýchaske» jedel aldyn-alý sharasy kezinde anyqtaldy.
Páterlerin jalǵa berýshiniń ekeýi de óz páterleriniń aqyly jynystyq qyzmet kórsetýge paıdalanylatyndyǵy jóninde habardar bolǵan. Sonymen qatar, olar páter ǵımaratyn uzaq merzimge jalǵa bergen.
Atalmysh fakt boıynsha páter qojaıyndaryna qatysty ákimshilik hattama toltyrylyp, sotqa joldandy. Sot aldynda jaýapkershilikke tartylǵan 2 azamatqa QR Ákimshilik quqyqbuzýshylyq kodeksiniń 341 baby 1 bólimine sáıkes, 100 aılyq eseptik kórsetkish mólsherinde aıyppul salynyp, páter ǵımaratyn 6 aı kóleminde jalǵa berý quqyǵynan aıyrý jazasy taǵaıyndaldy.
