Astanada páter tonaýshylar ustaldy
ASTANA. QazAqparat - Astanada arnaıy júrgizilgen jedel-izdestirý sharasynyń barysynda birneshe páter urlyǵyna qatysy bar 39 jastaǵy 2 er azamat ustaldy. Qazirgi tańda olar ýaqytsha ustaý ızolıatoryna qamaldy, dep habarlaıdy QazAqparat tilshisi Astana qalalyq Polıtsııa departamentine silteme jasap.
«Astana polıtseıleri qala boıynsha jedel-izdestirý is-sharalar keshenin júrgizdi. Onyń barysynda páter urlyǵyna qatysy bar degen kúdikpen 39 jastaǵy eki er azamat ustalyp, olar ýaqytsha ustaý ızolıatoryna qamaldy. Búginde atalǵan faktiler boıynsha sotqa deıingi tergep-tekserý jumystary júrgizilip jatyr», - dep jazylǵan departamenttiń Feısbýk paraqshasynda.
Krımınaldyq polıtsııa qyzmetkerleriniń deregi boıynsha ustalǵandar urlyqty kóbinese kiltti irikteý arqyly jasaǵan degen kúdik keltirilip otyr. ıAǵnı olar esigi tez ashylatyn qulyp ornatylǵan páterlerdi tańdaǵan. Páterde úı ıesiniń bar-joǵyn bilý úshin aldymen esikterin qaǵyp teksergen. Egesi joq páterlerge kirgen qaskóıler altyn buıym, aqsha jáne basqa da qundy zattardy urlap, keıin olardy lombardqa ótkizip otyrǵan.
«Ustalǵandar urlyq jasaǵandaryn teriske shyǵarmaıdy. Qazirgi ýaqytta olarǵa qatysty páter urlyqtarynyń 6 epızody boıynsha kúdik keltirilip otyr. Sondaı-aq, polıtseıler urylardyń buryn sońdy jasalǵan qylmystarǵa qatysynyń bar-joǵyn tekserýde», - delingen habarlamada.
Qalalyq polıtsııa departamenti atalǵan tulǵalardyń zańsyz áreketi boıynsha qosymsha aqparaty bar azamattardy «Esil» aýdany Polıtsııa basqarmasyna 8(7172) 71-65-50, 71-60-69 nemese 102 telefony boıynsha habarlasýyn suraıdy.
Sonymen qatar, elordalyq polıtsııa departamenti qala turǵyndaryn turǵyn úı qaýipsizdigin qatań ustap, urylardan saq bolýǵa shaqyrady.
