Astanada páter tonaýshy qylmystyq toptyń músheleri quryqtaldy - ІІD
ASTANA. 5 sáýir. QazAqparat /Jasulan Amanbaıuly/ - Astanada páter tonaýshy qylmystyq toptyń músheleri qolǵa tústi.
Bul týraly búgin tilshilerge qalalyq ІІD Til saıasaty jáne aqparat departamentiniń bastyǵy Nurdildá Oraz málim etti.
«Aǵymdaǵy jyldyń 29 naýryzynda shamamen saǵat 16:00-de Astana qalasy ІІD Tergeý basqarmasynyń qyzmetkerleri bireýdiń jeke múligin urlaýǵa áreket jasaǵan Astanada ýaqytsha turatyn, Kókshetaý qalasynda dúnıege kelgen 25 jastaǵy azamatty ustady»,-dedi ol.
Jedel-izdestirý sharalary barysynda ustalǵan adamnyń 2011 jyldyń qańtar aıynan bastap páter urlyqtaryn jasap kelgendigi anyqtaldy. «Ol 22 men 33 jas aralyǵyndaǵy 5 adamnan turatyn toptyń 24 jastaǵy basshysymen aldyn ala kelisip jumys istegen. Polıtsııa qyzmetkerleri tonaýshyny ustaǵannan keıin, qylmystyq toptyń basshysyn da quryqtady»,-dep atap kórsetti N.Oraz.
Qazirgi ýaqytta toptyń qalǵan músheleriniń turǵylyqty jerin anyqtaý jáne odan keıin olardy ustaý maqsatynda jedel-izdestirý sharasy júrgizilýde.
Ustalǵan adamdardyń turǵylyqty jerlerin tekserý kezinde Astana qalasy aýmaǵynda jasalǵan 5 páterden urlanǵan zattar tabyldy.
