Astanada páter tonaýmen aınalysyp júrgen qylmystyq top ustaldy
ASTANA. 31 mamyr. QazAqparat /Aıdar Ospanalıev/ - Astana qalalyq tártip saqshylary elordada páter tonaýmen aınalysyp júrgen 3 adamnan turatyn topty ustady.
Bul týraly búgin jýrnalıstermen bolǵan brıfıngte Astana qalalyq Іshki ister departamentiniń Memlekettik til jáne aqparat bóliminiń bastyǵy Nurdildá Oraz málim etti.
23 mamyr kúni 1978 jyly týylǵan N. atty azamatsha ishki ister organdaryna habarlasyp, belgisiz bireýlerdiń esiktiń qulpyn buzyp, páterge kirip, qundy zattardy alyp ketkendigin aıtqan. Osyǵan baılanysty arnaıy júrgizilgen jedel-izdestirý sharasynyń barysynda Astana qalasy men Qaraǵandy jáne Aqmola oblystarynyń 1974, 1982, 1983 jyly týylǵan úsh azamaty qolǵa tústi. Olardyń barlyǵy buryn sottalǵan bolyp shyqty. Urylar qaladaǵy páterlerdiń esikteriniń qulpyn buzý arqyly qundy zattardy alyp ketip otyrǵan. Negizinen altyn buıymdar men noýtbýk, turmystyq tehnıka, fotoapparat sııaqty zattardy urlaıtyn bolǵan.
