Astanada páter tonaýmen aınalysqan qylmystyq top ustaldy

Astana q. ІІD baspasóz qyzmetiniń habarlaýynsha, olar Ońtústik Qazaqstan jáne Qyzylorda oblystarynyń 22-23 jastaǵy turǵyndary. Qylmystyq toptyń Astanada onnan astam páterdi tonaǵany áshkerelendi. Urlanǵan zattardy (altyn buıymdar, tehnıka, ton, uıaly telefondar) Qaraǵandy qalasynyń lombardtaryna ótkizgen.

Ustaý kezinde kúdiktilerden lombardtardyń kepil bıletteri, noýtbýkter, uıaly telefondar, zergerlik jáne teri buıymdary, qaıqy kiltter tárkilendi.

Sonymen birge, qala turǵyndarynyń páterlerinde 16-dan astam urlyq jasaǵan Qostanaı oblysynyń turǵyny qolǵa tústi.

Ustalǵan barlyq kúdiktiler Astana q. ІІD ýaqytsha ustaý oqshaýlaǵyshyna qamaldy. QR QK 188-baby «Urlyq» boıynsha tergeý jumystary júrgizilip jatyr. Olardyń el aýmaǵynda jasalǵan ózge de qylmystarǵa qatysy bar-joǵy tekserilýde.