Astanada páter tonaý oqıǵalary azaıdy
ASTANA. 25 qazan. QazAqparat - Elordada polıtsııa qyzmetkerleri qabyldaǵan is-sharalardyń nátıjesinde páter tonaý oqıǵalary azaıdy. Bul týraly astana.kz saıtyna qalalyq Іshki ister departamentinen habarlady.
Jyl basynan beri polıtseıler 37 qylmystyq topty quryqtady, sonyń ishinde 13 top páter tonaýmen, 8-i kólik tonaýmen jáne aıdap ketýmen aınalysqan.
Vedomstvonyń habarlaýynsha, páter tonaýdyń aldyn alý sharalary kezinde konserjder ınstıtýty, sonymen qatar turǵyn úılerde beınekameralar, domofondar men basqa da tehnıkalyq kúzet quraldaryn ornatýdy kózdeıtin «Qaýipsiz aýla» jobasyn engizý oń nátıjesin berdi. Qazirgi ýaqytta Astanada turǵyn úılerdi kúzetýge 200 jýyq konserj tartylǵan. 6 myńǵa jýyq kireberiske domofon, 700 esikke kod qoıyldy. «Qaýipsiz aýla» jobasy aıasynda 58 turǵyn úıdiń aýmaǵynda elordalyq ІІD jedel basqarý ortalyǵynyń beıne baqylaý júıesi ornatylyp, 40 aýla PIK esebinen beınekameralarmen jaraqtaldy.
Aıta keteıik, statıstıkaǵa sáıkes, árbir besinshi tonaý keńse men mekemede, árbir tórtinshi urlyq kólik salonynda jasalady. Saýda oıyn-saýyq ortalyqtarynda jáne halyq kóp jınalatyn jerlerde usaq urlyq jasaý jaǵdaılary artyp otyr. 1,5 myńǵa jýyq urlyq qalta urlyǵy sanatyna jatady, sonyń ishinde 70% qoǵamdyq kólikte - avtobýstar men marshrýttyq taksılerde jasalady. Qurylys alańdarynan qurylys materıaldaryn, qondyrǵylar men qural-saımandardy, kabelderdi urlaý oqıǵalary keńinen taralǵan. Negizinen, kóp shyǵyn keltiretin urlyqtar bankterde nemese valıýta aıyrbastaý pýnkterinde júrgizilgen operatsııalardan keıin jasalady.
