Astanada páter kezeginde turǵan 500 adam 2017 jyly arendalyq baspana alady
ASTANA. QazAqparat - 2017 jyly Astanada jergilikti atqarýshy organdar qatarynan kezekte turǵan azamattar úshin 530 arendalyq páter paıdalanýǵa beriledi, dep habarlaıdy QazAqparat.
Astana qalasy qurylys basqarmasynyń basshysy Talǵat Rysbekovtiń aqparaty boıynsha, ústimizdegi jyly páterlerdiń jalpy aýdany 53,13 myń sharshy metr bolatyn 984 páterlik 3 kópqabatty turǵyn úı kesheniniń qurylysy bastaldy. Olardy satý jergilikti atqarýshy organnyń oblıgatsııalaryn shyǵarý arqyly 2016 jylǵa arnalǵan Daǵdarysqa qarsy jospar aıasynda júzege asyrylýda. Atalǵan turǵyn úı keshenderin tapsyrý merzimi 2017 jylǵa josparlanyp otyr.
Búgingi kúni 519 páterge eseptelgen jalpy aýdany 26,4 myń sharshy metr bolatyn 2 turǵyn úı kesheniniń qurylysyna jobalyq-smetalyq qujattama ázirlendi.
Olar - jergilikti atqarýshy organdar qatarynan kezekte turǵyndardyń ishinen halyqtyń áleýmettik álsiz toptaryna arnap jalpy aýdany 15,9 myń sharshy metr bolatyn 311 páter men eńbek azamattarynyń jyldamdyǵy úshin - jalpy aýdany 10,5 myń sharshy metr bolatyn 208 páter. Atalǵan nysandardyń qurylysyn qarjylandyrý bastalǵannan keıin, 2017 jyly bastaý josparlanǵan.
