Astanada páter alaıaǵy 20 jyl boıy jazadan jaltaryp júrgen
ASTANA. QazAqparat - Jyljymaıtyn múlik boıynsha alaıaqtyq jasaǵan áıel 19 jyl ótkennen keıin Astanada ustaldy, dep habarlaıdy «QazAqparat» HAA tilshisi.
Astana qalalyq prokýratýrasy habarlaǵandaı, 1998 jyly alaıaq áıel tanysyna tıesili úsh bólmeli páterdiń qujatyn qoldan jasap, úshinshi tulǵaǵa satyp jibergen. Osylaısha, ol jábirlenýshige asa iri kólemde materıaldyq zalal keltirip, aýyr qylmys jasaǵan.
Dál sol jyly alaıaqtyq faktisi boıynsha qylmystyq is qozǵalyp, sotqa jiberilgen. Alaıda, kúdikiniń izin sýytýyna baılanysty, úkim shyǵarylmaı qalǵan.
Onyń qaıtys bolǵany týraly jalǵan kýálik quziretti organdardyń jumys jasaýyna ýaqytsha kedergi keltiredi. Sonyń saldarynan oǵan tek 2006 jyly ǵana izdeý salynǵan.
Onyń qylmystyq qýdalaý organdarynan uzaq ýaqyt boıy qalaı jasyrynyp kelgenin eshkim bilmeıdi. Múmkin, osy ýaqyt ishinde syrt kelbetiniń ózgerýi de áser etken shyǵar, alaıda ol 2017 jyldyń naýryz aıynda ustalyp, №12 tergeý oqshaýlaǵyshyna qamaldy. Qazir ol sotty kútýde.
