Astanada «Paryz» konkýrsynyń jeńimpazdary marapattaldy
ASTANA. QazAqparat - Astanada Memleket basshysynyń qatysýymen bıznestiń áleýmettik jaýapkershiligi jónindegi «Paryz» respýblıkalyq konkýrsynyń jeńimpazdaryn marapattaý rásimi ótti, dep habarlaıdy qalalyq ákimdiktiń baspasóz qyzmeti.
Bıznestiń áleýmettik jaýapkershiligi jónindegi «Paryz» konkýrsy halyqtyń ál-aýqatyn odan ári jaqsartý úshin jeke kásipkerlik sýbektileriniń qoǵam aldyndaǵy óziniń korporatıvtik áleýmettik jaýapkershiligin qalyptastyrýǵa jáne arttyrýǵa baǵyttalǵan.
Aǵymdaǵy jyly Konkýrsqa qatysý úshin Astana qalasynyń 18 kásipkerlik sýbektisinen ótinim usynyldy, onyń ishinde myna nomınatsııalar boıynsha: «Úzdik áleýmettik jaýapty kásiporyn» - 6, «Eńbekti qorǵaý salasyndaǵy úzdik kásiporyn» - 4, «Úzdik ujymdyq shart» - 5, «Ekologııaǵa qosqan úlesi úshin» - 3.
Bıznestiń áleýmettik jaýapkershiligi jónindegi «Paryz» konkýrsynyń laýreattary ataqtaryn berý jónindegi komıssııa sheshimine sáıkes, Konkýrsqa qatysqan elordamyzdyń kásipkerleri ishinen «Úzdik áleýmettik jaýapty kásiporyn» nomınatsııasy boıynsha «BI HoIding» JShS 1-oryn, «Eńbekti qorǵaý salasyndaǵy úzdik kásiporyn» nomınatsııasy boıynsha Amitech Astana JShS 3-oryn aldy.
