Astanada «Parıjdegi eki áıel» spektakliniń premerasy ótti
ASTANA. KAZINFORM – Elordada Qazaqstan, Ońtústik Koreıa jáne Reseı teatrlarynyń birlesken halyqaralyq jobasy «Parıjdegi eki áıel» spektakliniń premerasy ótti.
Qazaqstan tarapynan qoıylymǵa Qalıbek Qýanyshbaev atyndaǵy Qazaq ulttyq mýzykalyq-drama teatrynyń ártisteri qatysty. Sonymen qatar spektaklde Reseıdiń Stanıslavskıı atyndaǵy Elektroteatry men Ońtústik Koreıanyń PIAC teatrynyń akterleri de óner kórsetedi.
- Qoıylym oqıǵasy 1940-jyldary Parıj qalasynda órbıdi. Sıýjet koreı halqynyń tuńǵysh kásibı sýretshisi, táýelsizdik jolyndaǵy qozǵalys belsendisi Na He Sok pen Anton Chehovtyń «Shıe baǵy» pesasyndaǵy ádebı keıipker Ranevskaıa arasynda dıalog negizinde qurylǵan. Olardyń sımvolıkalyq kezdesýi arqyly tarıhı oqıǵalar, táýelsizdik úshin kúres jáne jaýapkershilik taqyryptary qozǵalady, - delingen Mádenıet jáne aqparat mınıstrliginiń dereginde.
Aıta ketsek, spektakldiń premerasy 2025 jyly Seýl qalasynda ótti. Astanadaǵy qoıylym Koreıa Respýblıkasynyń Elshiligi janyndaǵy Koreı mádenı ortalyǵynyń qoldaýymen uıymdastyryldy.
Eske salaıyq, Ulttyq akademııalyq kitaphanada Joltaı Álmashulynyń jańa kitaptary tanystyryldy.