Astanada paramen ustalǵan departament basshysynan 54 mln teńge tárkilendi
ASTANA. QazAqparat - Sybaılas jemqorlyqqa qarsy is-qımyl ulttyq bıýrosy Astana boıynsha ishki memlekettik aýdıt departamentiniń basshysy A.Meldebekovti RMK ókilinen kezekti ret 3 mln teńge mólsherinde para alyp jatqan jerinen ustady. Bul týraly Sybaılas jemqorlyqqa qarsy is-qımyl ulttyq bıýrosynyń baspasóz qyzmeti habarlady.
Kúdikti júıeli negizde bas mamandar - memlekettik aýdıtorlar D.Ápeıisova men Sh.Shámildiń qatysýymen para alý qylmystyq syzbasyn uıymdastyrǵan.
A.Meldebekovtiń qyzmettik kabıneti men turatyn jerin tintý barysynda 54 mln teńge men 120 myń AQSh dollary tabyldy.
A.Meldebekov Astana ІІD ýaqytsha ustaý abaqtysyna qamaldy. Al D.Ápeıisova men Sh.Shámil kinásin tolyq moıyndaǵandyqtan jáne kishkentaı balalarynyń bolýyna baılanysty qamaýǵa alynǵan joq.
Sotqa deıingi tergeý jumystary júrgizilýde.
