Astanada paralımpıadalyq júzý jáne paýerlıftıngten ÁCh júldegerlerin kútip aldy
ASTANA. QazAqparat - Astana áýejaıynda paralımpıadalyq júzý jáne paýerlıftıngten álem chempıonaty júldegerlerin zor qurmetpen kútip aldy, dep habarlaıdy «Shtattaǵy ulttyq komandalar jáne sporttyq rezerv dırektsııasy» RMQK baspasóz qyzmeti.
Eske sala ketsek, 9 jeltoqsanda Meksıkada paralımpıadalyq júzý jáne paýerlıftıngten álem chempıonaty márege jetken bolatyn. Qazaqstan sporty tarıhynda tuńǵysh ret bizdiń sańlaqtarymyz 2 altyn, 3 kúmis jáne 1 qola medal aldy.
Zýlfııa Gabıdýllına men Natalıa Zvıagıntseva paralımpıadalyq júzýden álem chempıondary boldy. Al Andreı Afanasev «qolamen» oraldy.
