Astanada para alǵan burynǵy memlekettik qyzmetshige 6 mln teńge aıyppul salyndy
ASTANA. QazAqparat - Astanda Esil aýdany memlekettik kiris basqarmasy basshysynyń orynbasary para alǵany úshin jazaǵa tartyldy.
«Esil aýdany №2 aýdandyq soty I-ge qatysty QR QK 366-babynyń 2-bóligi boıynsha qylmystyq isti qarady. Sottalýshy Esil aýdandyq memlekettik kiris basqarmasy basshysynyń orynbasary bola tura, «LuxuryHauseAstana» saýda úıinen QQS qaıtarýda ońaılatylǵan tártipte járdem kórsetkeni úshin 100 000 teńgelik sertıfıkat túrinde para alǵan», - dep habarlady qalalyq sot baspasóz qyzmetinde.
Sot úkimimen I-diń jeke múliki tárkilenip jáne ómir boıy memlekettik qyzmette jáne jergilikti ózin-ózi basqarý oryndarynda qyzmet etý quqyǵynan aıyra otyryp, 6 000 000 teńge kóleminde aıyppul túrinde jaza taǵaıyndaldy. Sot úkim zańdy kúshine endi.
