Astanada para aldy degen kúdikpen 11 polıtseı ustaldy
ASTANA. QazAqparat - Astana prokýratýrasy «keń taralǵan paıdaly qazbalardy zańsyz qazýǵa jol bermeý» sharalary aıasynda elordalyq ІІD-niń jumysyn tekserdi.
Prokýratýranyń bastamasymen Astana ІІD Jeke qaýipsizdik basqarmasy jedel-izdestirý sharalaryn júrgizip, 11 polıtsııa qyzmetkerine qatysty Qazaqstan Respýblıkasy Qylmystyq Kodeksiniń 366-baby («Para alý») boıynsha tergeý amaldary bastalǵan.
Polıtsııa qyzmetkerlerin Astana prokýratýrasynyń arnaıy prokýrorlary tergep, qylmystyq isti sotqa joldaǵan.
Esil aýdandyq №2 sotynyń úkimimen para alyp kelgeni úshin Astana ІІD jol-patrýl polıtsııasynyń 9 qyzmetkeri jáne tabıǵatty qorǵaý polıtsııasynyń 2 qyzmetkeri Qazaqstan Respýblıkasy Qylmystyq Kodeksiniń 366-babyna («Para alý») sáıkes sottalyp, olarǵa alynǵan paranyń jetpis ese somasy mólsherinde aıyppul belgilendi.
