Astanada pandýstarmen jáne valıdatorlarmen jabdyqtalǵan jańa IVECO avtobýstary jolǵa shyǵady (FOTO)
ASTANA. QazAqparat - Erteńnen bastap Astanada jańa zamanǵy 59 IVECO avtobýstary jolǵa shyǵady. Búgin atalǵan avtobýstarǵa qala ákimi Ádilbek Jaqsybekov minip kórdi.
"Qazirgi ýaqytta qaladaǵy qoǵamdyq kólikterdi jańartý jumysy júrýde. Búginde 358 IVECO avtobýstaryn satyp alý boıynsha kelisimshart jasaldy. Jyl sońyna deıin osyndaı 80 avtobýs jolǵa shyǵady. 2015 jyldyń maýsym aıynda 358 avtobýstyń barlyǵy iske qosylady dep josparlanǵan. Avtobýstar qaqaǵan qystyń aıazyna beıimdelgen. Ekologııalyq eýro-5 sanattyq standartqa saı. Qaýipsizdiktiń barlyq jabdyqtary bar, beınetúsirilim jasalyp otyrady. Sonymen qatar múmkindigi shekteýli jandardyń minip-túsýine yńǵaılastyrylǵan. Avtobýs tómen túsedi jáne pantýspen jabdyqtalǵan", - deıdi "Astana LRT" JShS Basqarma tóraǵasy Talǵat Ardan.
Onyń atap kórsetkenindeı, avtobýstar nesıelik júıe arqyly alynǵan. ıAǵnı, tikeleı memlekettik qarajat jumsalmaǵan. Nesıe kelisiminiń jalpy kólemi 107 mln. eýrony quraıdy.
Bul avtobýstar 10 jáne 9 baǵyttarǵa shyǵady. Jyl sońyna deıin 28 jáne 42 baǵyttaryn da osyndaı avtobýstarmen qamtamasyz etý josparlanýda. Qazirgi ýaqytta qalada 180 avtobýs jetispeıdi, alǵashqy partııa osy qajettilikti qamtamasyz etýge baǵyttalady.
