Astanada Pákistan armııasymen áskerı yntymaqtastyq josparyna qol qoıyldy

ASTANA. QazAqparat - QR Qorǵanys mınıstrligi jáne Pákistan Islam Respýblıkasynyń Qarýly Kúshteri arasynda 2018 jylǵa arnalǵan is-sharalar josparyna qol qoıyldy, dep habarlaıdy QR QM baspasóz qyzmeti.

Pákistan delegatsııasyn PIR QK Shtabtar bastyqtary birikken komıteti shtab páteriniń basshysy general-leıtenant Malı Zafar Ikbal basqardy.

Tórtinshi qazaqstandyq-pákistandyq birlesken áskerı komıssııa sheńberinde Qazaqstan Respýblıkasynyń Tuńǵysh Prezıdenti - Elbasy atyndaǵy Ulttyq qorǵanys ýnıversıtetinde Qorǵanys mınıstriniń birinshi orynbasary - QR QK Qarýly Kúshteri Bas shtabynyń bastyǵy general-leıtenant Murat Maıkeevtiń general-leıtenant Malık Zafar Ikbalmen kezdesýi ótti.

Qazaqstandyq-pákistandyq birlesken áskerı komıssııanyń tórtinshi otyrysynda taraptar áskerı bilim berý, arnaıy maqsattaǵy bólimshelerdi daıyndaý, Qazaqstan men Pákistannyń áskerı-tehnıkalyq yntymaqtastyǵy týraly kelisimniń iske asyrylý máselelerin talqylady.

Sapar barysynda Pákistan delegatsııasy murajaıǵa, ımıtatsııalyq modeldeý ortalyǵyna, «QR QK Bas shtabynyń akademııasy», Ulttyq ulan jáne biliktilikti arttyrý fakýltetterine, sondaı-aq Úndistan men Qytaı Qarýly Kúshteriniń Áskerı óner aýdıtorııasyna bardy.

Ýnıversıtettiń oqý-materıaldyq bazasymen tanysty.