Astanada ózimdi óz úıimde júrgendeı sezinemin – grýzııalyq ánshi Avtandıl Abeslamıdze

ASTANA. KAZINFORM – Silk Way Star halyqaralyq baıqaýyna Grýzııa atynan qatysyp jatqan ánshi Avtandıl Abeslamıdze  elordadan alǵan áserimen bólisti.

— Jyly qarsy alǵandaryńyzǵa raqmet! Munda ózimdi óz úıimde júrgendeı, dostarymnyń arasynda júrgendeı sezinip jatyrmyn. Qazaq halqynyń qonaqjaılyǵy men meıirimdiligi erekshe áser qaldyryp jatyr. Qazaqstannyń tarıhy men mádenıeti óte tereń. Munda kelgen saıyn ózimdi sezinemin, - dedi ol Jibek Joly telearnasyndaǵy «Bugin Live» baǵdarlamasynda.

Sondaı-aq ánshi atalǵan baıqaýdyń óner saıysy ǵana emes, ónerpazdardy tabystyratyn dostyq alańy ekenin de atap ótti.

— Silk Way Star – halyqaralyq dostyqtyń jobasy. Bul jobany mıllıardtaǵan kórermen tamashalaıtynyna senimdimin. Men munda ártúrli elden kelgen daryndy ónerpazdarmen tanystym. Bizdi ortaq tilimiz – mýzyka toǵystyrdy, - dedi grýzııalyq ónerpaz.

Avtandıl Abeslamıdze — 2016 jylǵy X Factor Georgia baıqaýynyń jeńimpazy. Sondaı-aq 2018 jyly Astanada ótken «Voice of Astana» halyqaralyq baıqaýynda da gran-prıdi jeńip alǵan bolatyn.

Buǵan deıin ózbekstandyq ánshi ári ádil qazylar alqasynyń múshesi Aıgúl Nadırova túrki halyqtary Silk Way Star arqyly birligin bekemdep jatqanyn aıtqan edi.